|
Adult Family Care (Swen nan Fanmi pou Adilt)
Adult Family Care (AFC) ofri yon anviwònman fanmi avèk sipò pou moun ki bezwen asistans pou yo viv avèk siksè nan zòn Boston Metwopoliten. Anplwaye AFC amonize Patisipan posib avèk Fanmi Akèy ki louvri pòt kay yo pou ofri yo swen ki anpeche oswa retade swen enstitisyonèl. Anplwaye AFC yo ofri tou sipò ak fòmasyon san rete pou Patisipan ak Fanmi Akèy yo, epitou li kontwole eta sante Patisipan yo.
Kimoun ki kapab yon Patisipan?
Patisipan yo se moun k ap viv avèk divès kalite dyagnostik medikal epi ki bezwen èd pou aktivite lavi yo toulejou. Patisipan yo varye ant granmoun aje frajil k ap resevwa asistans manm fanmi yo ak adilt ki pi jenn ki gen pou wè ak Depatman Sèvis Sosyal (DDS) oswa Depatman Sante Mantal (DMH). Kèk patisipan ap travay; kèk lòt ap patisipe nan pwogram Adult Day Health (Sante Lajounen pou Adilt).
Kalifikasyon: Moun ki genyen laj 16 zan oswa plis epi ki genyen yon dyagnostik medikal kwonik ki bezwen asistans avèk omwen yon aktivite lavi toulejou chak jou (pa egzanp, manje, benyen, abiye, deplasman). Patisipan MassHealth kalifye pou senk (5) jou pa semenn nan pwogram Adult Day Health.
Frè pou Peye: Patisipan MassHealth yo ap peye sèlman frè pou lojman ak manje (apeprè $400 pa mwa). Se MassHealth ki peye pou tout lòt sèvis yo. Genyen chwa pou peman prive ki disponib pou patisipan ki pa nan MassHealth.
Kimoun ki kapab yon Fanmi Akèy?
Fanmi Akèy yo kapab nenpòt moun tankou yon zanmi oswa manm fanmi Patisipan an (sof mari oswa madanm, oswa adilt ki genyen responsablite legal).
Yo egzamine Fanmi Akèy yo okonplè; epitou yo fè antrevi avèk yo, yo evalye yo, yo mande yo twa (3) referans, epitou yo tcheke pou konnen si yo genyen yon istwa kriminèl. Yo sibi tou yon pwosesis evalyasyon okonplè pou asire pi bon amoni posib avèk yon Patisipan posib. Fanmi Akèy yo kapab genyen jiska twa (3) Patisipan AFC lakay yo.
Peman: Se MassHealth ki peye Fanmi Akèy yo chak mwa epitou yo resevwa ranbousman lajan pou lojman ak manje. Selon nivo bezwen Patisipan an, yon Fanmi Akèy kapab resevwa jiska $18,000 chak ane nan revni ki pa takse.
Anplwaye AFC
Anplwaye AFC genyen ladan yon Direktè pwogram; Enfimyè Diplome ki fè vizit chak 60 jou pou kontwole eta sante, tretman, ak siy vital; ak Travayè Sosyal ki fè vizit omwen chak 60 jou pou kontwole kalite plasman, epitou pou ofri sipò ak entèvansyon pou kriz si sa nesesè. Anplwaye AFC kouwòdone avèk lòt founisè swen Patisipan yo (DDS, DMH, doktè).
Depi pwogram AFC a fè pati Somerville Cambridge Elder Services, nou genyen tou enfimyè ak travayè sosyal sipò ki disponib ak sèvis ijans bipè 24 èdtan pa jou.
Sèvis yo
Fanmi Akèy yo ofri epi Patisipan yo resevwa sa ki annapre yo:
- Yon anviwònman fanmi avèk sipò avèk yon chanm prive
- Repa ki prepare pou patisipan an epi patisipan manje ansanm avèk Fanmi Akèy la
- Asistans pou fè sonje lè pou pran medikaman ak pou bezwen swen pèsonèl chak jou
- Asistans pou transpò pou al nan randevou medikal ak sosyal
- Lòt sèvis posib, selon bezwen Patisipan an
Pou plis enfòmasyon oswa pou fè yon rekòmandasyon, rele nan
617-628-2601, ekstansyon 3151
TDD: 617-628-1705 Fax: 617-628-1085 info@eldercare.org
61 Medford Street , Somerville , MA 02143 -3429
|
